आत्मशक्ती जोपासून यशस्वी व्हा!

आत्मशक्ती जोपासून यशस्वी व्हा! - उमेश सोमण (NLP Master Trainer)

मी कोणाला भेटलो की मला विचारला जाणारा पहिला प्रश्न असा असतो की हे NLP म्हणजे नक्की काय? ते मी का शिकावं आणि ते शिकल्याने माझा फायदा काय होणार? पहिल्या प्रश्नाचं उत्तर तर तुम्हाला ह्या लेखात मिळेलच.. आपल्या हृदयाच्या जवळ असलेल्या दुसर्‍या प्रश्नाकडे आधी वळूया! आणि ह्या प्रश्नाचं उत्तर मिळण्याअगोदर, जरा विचार करा की, खालीलपैकी कुठलेही प्रश्न असे आहेत का, जे आता माझ्या समोर आहेत किंवा ह्या आधी होते?

माझ्या करिअर किंवा बिझनेसची आणखी जबरदस्त वाढ कशी करता येईल? माझा राग घालवता येईल का? माझी नाती अजून सशक्त, सुखी आणि समाधानकारक कशी होऊ शकतील? मला काही गोष्टींची खूप भीती वाटते, ती घालवता येईल का? गोल सेटिंग तर करतो, पण तरीही काही साध्य होत नाही - कधी प्रेरणा नसते तर कधी संभ्रम असतो की ठरवलेलं उद्दिष्ट साध्य कसं करायचं -स्वयंप्रेरीत कसं रहायचं आणि संभ्रम दूर करून निर्णय कसे घ्यायचे हे शिकता येईल का? मला एक जबरदस्त वक्ता व्हायचंय, कसा होऊ? काही लोकांना कितीही समजावलं तरी ते समजतच नाहीत, त्यांना कसं समजवायचं हे शिकता येईल का? कोणाशीही पहिल्या भेटीत झटकन नातं कसं जोडता येईल? आणि नको असेल तर त्या व्यक्तीला वाईट न वाटता त्यांच्यापासून दूर कसं होता येईल? लोकांचे भाषेचे खेळ पकडण्यात अजून सक्षम कसं होता येईल? माझे किंवा इतरांचे चुकीचे दृढविश्वास बदलता येतील का? काही व्यक्तींची किंवा जागेची किंवा गाण्याची किंवा अशाच कुठल्या गोष्टीची आठवण झाली की खूप वाईट वाटतं - ते घालवता येईल का आणि कसं? द्विधा मन:स्थिती पटकन कशी दूर करायची? डोळयांवरून मनातले विचार साधारणपणे कसे ओळखायचे? एका झटक्यात थकवा घालवून कामासाठी तयारी करायला शिकता येईल का? बर्‍याच गोष्टी मला कळतात, पण वळत नाहीत - त्या कशा वळवायच्या? वरच्यापैकी कुठलेही किंवा असेच दुसरे काही प्रश्न जर आपल्यासमोर उभे राहत असतील, तर हा लेख वाचून बराच फायदा होईल...

NLP शिकल्याने आणि वापरल्याने तुम्हाला तुमच्या आणि तुमच्या जवळच्या लोकांच्या भविष्याला घडवायची ताकद मिळेल आणि नशिवावर ताबा मिळवता येईल. NLP शिकल्याने तुम्ही तुमच्या आयुष्यातल्या नात्यांमध्ये परत जादू निर्माण करू शकाल आणि नविन नाती सुरुवातीपासूनच एकदम आपुलकीची घडवू शकाल. NLP शिकल्याने तुम्ही आयुष्यात आत्तापेक्षाही जास्तीत जास्ती अशी अनेक बक्षिसं, पदकं आणि प्रमाणपत्रं मिळवू शकाल.

'आत्मशक्ती जोपासून यशस्वी व्हा!' हे ह्या लेखाचं शीर्षक आहे, ह्याचं मूळ कारण असं, की आपल्या सर्वांमध्ये, आपण आज जे काही आहोत, त्याहून खूप जास्त व्हायची क्षमता असते. पण बरेच वेळा ही आत्मशक्ती साध्य कशी करायची हे मात्र आपल्याला माहीत नसतं. कारण हा एक असा विषय आहे, जो ना कधी शाळेत शिकिवला गेला ना कधी कॉलेजमध्ये. माझ्यात जी शक्ती आहे ती मी जोपासून अजून जास्त यशस्वी कसा होऊ हा विषय आपल्याला कधीच कोणी शिकिवला नाही. ना आईवडिलांनी ना शिक्षकांनी. आपणच नेहमी धडपडत हळूहळू वेगवेगळया गोष्टी शिकत जातो आणि ह्या प्रवासात बराच वेळ, मेहनत आणि पैसा खर्च होतो. हेच सगळं झटापट शिकणं शक्य आहे आणि ते कसं शिकायचं हे समजावं म्हणून या लेखाचं शीर्षक आहे आत्मशक्ती जोपासून यशस्वी व्हा!

आत्मशक्ती जोपासण्याचं एक उत्तम साधन आहे NLP. कारण आजच्या जगात NLP हे 'सेल्फ डेव्हलपमेंट' ह्या क्षेत्रात जास्त प्रगत विज्ञान आहे, पण तरीही अद्याप बर्‍याच लोकांकडे त्याबद्दलचं योग्य ज्ञान उपलब्ध नाही. कारण NLP हे नविन विज्ञान आहे. NLP म्हणजे Neuro Linguistic Programming हे वाचून खूप मोठा, आपल्या आवाक्याबाहेरचा किंवा आपल्या आयुष्याबाहेरचा विषय वाटतोय का? तर तसं नाहीए.. मोठे शब्द पण सोपं विज्ञान!! हे विज्ञान विकसित होऊन जेमतेम तीस ते चाळीस वर्षं झाली आहेत. ७०च्या दशकात सुरू झालेलं हे विज्ञान आत्ताशी कुठे एक आकार घेत आहे.

उदाहरणार्थ सायकॉलॉजीची सुरुवात कधी झाली हे आपल्याला माहीत आहे का? सायकॉलॉजी हे विज्ञान म्हणून सरकारने कधी मान्य केले माहिती आहे का? अभ्यासक्रमात सायकॉलॉजीचा विज्ञान ह्या स्वरूपात साधारणत: २०० वर्षांपूर्वी अंतर्भाव करण्यात आला. मग हळूहळू वेगवेगळया गव्हर्नमेंटकडून मान्यता मिळत एक परिपूर्ण विज्ञान म्हणून ते नावारूपाला येऊ लागलं. पण तत्पूर्वीही सायकॉलॉजी अस्तित्वात होती. एक काळ असा होता की, लोक सायकॉलॉजी ह्या विषयाची थट्टा करायचे. लोक म्हणायचे, हे सगळे मनाचे खेळ आहेत... तरीही आज सरतेशेवटी सायकॉलॉजी हे एक प्रगत विज्ञान म्हणून नावारूपाला आलं आहे.

NLP ची सुरुवात साधारणत: ७० च्या दशकात झाली, तेव्हापासून आजवर NLP मध्ये जास्त संशोधन ह्या गोष्टीचं करण्यात आलं आहे की, एखादी व्यक्ती यशस्वी होते ती कशामुळे, काय केल्यामुळे आणि आपल्याला आपल्या आयुष्यात त्याचा कसा वापर करून घेता येईल?

NLP ची सुरुवात दोन व्यक्तींनी केली. डॉक्टर जॉन ग्रिंडर लिंग्विस्टिक्सचे असिस्टंट प्रोफेसर होते आणि डॉक्टर रिचर्ड बँडलर हे सायकॉलॉजीचे विद्यार्थी होते. या दोघांना असा प्रश्न पडला की, यशस्वी लोक कशामुळे यशस्वी होतात? असं त्यांच्यात काय असतं? त्यांचा intelligence quotient जास्त असतो, की त्यांचा emotional quotient जास्त असतो की इतर काही, ज्यामुळे ते यशस्वी होतात.

बरेच लोक असं ठामपणे सांगतात की NLP चा संशोधक आहे बँडलर किंवा ग्रिंडर. पण असा NLP चा कोणी एक संशोधक नाही. कारण त्यात नविन असं काहीच नाही. जे जुनं आहे त्यातल्याच अर्क काढून तसंच वेगवेगळया गोष्टीतले अर्क एकत्रित आणून त्याला हे NLP रूप मिळालं. NLP च्या या संशोधनाच्या प्रवासात सुरुवातीला दोघे एकत्र होते, पण नंतर दोघे वेगळे झाले आणि दोघेही आपापल्या मार्गाला लागले. NLPचा सांगाडा उभा करून स्वतंत्रपणे अभ्यास करू लागले. पण त्यानंतरही पुढे जाऊन बर्‍याच वेगवेगळया लोकांनी त्यावर संशोधन केलं आहे. आजचं NLP हे विज्ञान म्हणजे या सर्वांच्या कष्टाचं चीज आहे असं म्हटलं तर वावगं ठरणार नाही.

कोणत्याही विज्ञानाला पुरावा लागतो. NLP संदर्भातही असेच पुरावे एकत्र करण्यासाठी संशोधन सुरू आहे. परंतु हे संशोधन पूर्ण व्हायला अद्याप काही काळ आहे. मग असा प्रश्न उद्भवतो, की तोपर्यंत काय? आणि त्याचं उत्तर खूप सोपं आहे... यशाचा अभ्यास करणारं असं NLP हे विज्ञान असल्यामुळे त्याचे तोटे काहीच नाहीत... फक्त फायदेच आहेत - भरपूर असे जे तुम्हाला मिळतील, आणि फारच कमी असे जे तुम्हाला मिळणार नाहीत!

आता असे प्रश्न नक्कीच पडत असतील की, "हे सगळे तर ठीक आहे पण म्हणजे न्युरो लिंग्विस्टिक प्रोग्राम म्हणजे नक्की काय? तो कसा काम करतो?" अशा सगळया प्रश्नांची आता उत्तरं शोधू या..

न्युरो: या शब्दाचा रोख आपल्या अंगात, प्रामुख्याने मेंदू आणि शरीरभर पसरलेल्या शीरा, म्हणजेच आपल्या 'न्युरोलॉजिकल सिस्टीम'कडे आहे.

लिंग्विस्टिक: या शब्दाचा रोख आपण वापरत असलेल्या विविध भाषा - मराठी, हिंदी, इंग्रजी असो किंवा स्वर / हातवारे / हावभावाची भाषा - ज्यांच्या वापराने आपण आपलं जग रचतो आणि स्वत:शी आणि इतरांशी संवाद साधतो, ह्याकडे आहे.

प्रोग्रामिंग: म्हणजेच आपल्या मनात आणि ह्रदयात लहानपणापासूनच्या एकजूट झालेल्या शिकवणी - चांगल्या किंवा वाईट आणि त्या एकत्रित येऊन, आपण जे नकळत, अजाणतेपणी आपोआप करतो ते.. NLP म्हणजे आपल्या Conscious आणि Unonscious mind यांची कार्यं कशी चालतात हे जाणून त्या पद्धतीने वागणं आणि बोलणं. यामुळे आपलं जीवन नक्कीच होतं. तर थोडक्यात म्हणजे भाषेचा वापर करून आपल्या 'न्युरोलॉजिकल सिस्टीम' मधले 'प्रोग्रामिंग' बदलणं जे मला यशस्वी होण्यापासून वंचित करत आहे किंवा मला यश मिळवण्यात खूप जास्त वेळ लावत आहे.

NLP हे मुळात एक विज्ञान आहे आणि ही एक कलासुद्धा आहे. वेगवेगळया क्षेत्रांतली यशस्वी लोक आपण बघतो. NLP हाच अभ्यास करतं की ही माणसं नक्की यशस्वी कशी काय झाली? त्यांच्या बुद्धिमत्तेमुळे, हुशारीमुळे की इतर कशामुळे? त्यातून जे काही निष्पन्न होईल ते मला आत्मसात कसं करता येईल? ह्या सगळयाचा अभ्यास म्हणजे NLP. त्या व्यतिरक्त तुम्हीही आज वेगवेगळया क्षेत्रांत यश संपादन केलं असेलच ना? कोणत्याही क्षेत्रात, तुम्ही ज्या क्षेत्रात आहात, व्यक्तिगत अथवा व्यावसायिक पातळीवर कुठेही, तिथे यश संपादन केलेलं असेल. पण जर मी एका क्षेत्रात यश मिळविलं आहे तर मी आयुष्याच्या इतर क्षेत्रांत का यशस्वी होऊ शकत नाही? किंवा आयुष्याच्या इतर क्षेत्रात मी अजून यशस्वी कसा होऊ शकतो? त्याची जर का मला किल्ली सापडली तर मी त्याच किल्लीच्या साहाय्याने आयुष्याच्या इतर क्षेत्रांतही यश संपादन करू शकतो. ते कसं करायचं हे आपल्याला NLPशिकिवतं.

आज तुम्ही, मी, आपण सगळे आयुष्य जगतोय, पण प्रत्येकाचा अनुभव पूर्णपणे वेगळा असतो. तो अनुभव आपण कसा उभा केला आणि तो जर का बदलायचा असेल तर कसा हे आपल्याला NLP शिकविते. NLP हा जगाकडे नव्याने पाहण्याचा एक दृष्टिकोन आहे.

या जगात आपण एकटेच जगतो का? आपण, आपले आई-वडील, भाऊ-बहीण, नवरा-बायको, मुलं, मित्रपरिवार अशा सगळयांच्या बरोबर जगत असतो. प्रत्येक व्यक्ती जन्माला येताना जशी स्वतंत्र व्यक्ती म्हणून जन्माला येते तशीच त्या व्यक्तीची विचारधारणाही वेगळी / स्वतंत्र असणार. तर मी यशस्वी होताना सोबत माझ्या परिवारालाही यशाकडे कसं न्यायचं ह्याचा अभ्यास म्हणजे NLP.

जिथे लक्ष तेच लक्ष्य ! आपल्या मनामध्ये एवढी ताकद असते की, जर मनात आलं तर ते आरामात सत्यात येतं. हे नेहमीच होत असतं... उदाहरणार्थ, जेव्हा आपल्याला मनापासून असं वाटतं की, काही तरी व्हायला नको, तेव्हा ते हमखास होतं.. आणि जेव्हा अगदी मनापासून वाटतं की, काहीतरी नक्कीच होणार.. तेव्हा ते होतंच.. जेथे आपल्या मनाचं लक्ष केंद्रित होतं ते लक्ष्य बनवून आपलं मन पूर्ण ताकद लावून ते साध्य करतं.. आणि म्हणूनच सगळे म्हणतात... 'पॉझिटिव्ह थिंकिंग' असलं पाहिजे. पण ते नक्की करायचं कसं? सर्वप्रथम हे लक्षात घ्यायला हवं की, प्रत्येक पॉझिटिव्ह गोष्टीत एक निगेटिव्ह लपलेलं असतं आणि प्रत्येक निगेटिव्ह गोष्टीत एक पॉझिटिव्ह. त्यामुळे कुठलाही निगेटिव्ह विचार आला की त्याला वगळून त्याच्यातलं पॉझिटिव्ह कसं बाहेर आणायचं ह्याचा विचार करायचा.. सुरुवातीला कठीण वाटतं, कारण सवयच नसते... आणि करत राहिलं की एक वेळ अशी येते की, क्षणभरात जमून जातं.. आणि मग, आपलं लक्ष कायम पॉझिटिव्ह गोष्टींकडे राहिलं की आपली लक्ष्यंही पॉझिटिव्हली साध्य होतात... हे सगळं वाचून आता असे प्रश्न उभे राहत असतील की NLP शिकायचं कसं? ते शिकल्यावर काय पदवी किंवा सर्टिफिकेट मिळतं? ते मान्यताप्राप्त आहे का? इतर देशांत माझं शिक्षण मान्य करतील का? कोणत्याही देशात NLP ला सरकारची मान्यता नसल्यामुळे, विविध स्वतंत्र संस्था NLP अभ्यासक्रमावर लक्ष ठेवतात. म्हणूनच NLP चे सर्व सटिर्फिकेट कोर्सेस असतात. भारतात इतर परदेशी संस्थांबरोबरच NLP India नावची संस्था कार्यरत आहे. ह्या संस्थेचं मान्यताप्राप्त सटिर्फिकेट जगभर ग्राह्य आहे आणि वेगवेगळया देशांतील संस्था ते सर्टिफिकेट मान्य करतात. NLP India ह्या संस्थेचं काम आहे की, भारतात या संस्थेचा शिक्का असलेले वेगवेगळे अभ्यासक्रम कशाप्रकारे उपयुक्त ठरत आहेत ह्यावर विशेष लक्ष ठेवणं. ही संस्था स्वत: कोणतेही ट्रेनिंग प्रोग्राम आयोजित करत नाही.

NLP जेव्हा शिकवायला सुरुवात झाली तेव्हा तो २१ दिवसांचा ट्रेनिंग प्रोग्राम असायचा. २१ दिवस पूर्ण सकाळ ते संध्याकाळ. साधारणपणे आपण विचार करू शकता की, तो किती गहन विषय असेल. आजच्या काळात जर आपण बघितलं तर एक गोष्ट प्रामुख्याने जाणवते, ती म्हणजे आजच्या युगात वेळ ही सगळयांनाच प्रिय आहे. त्यामुळे लोकांना हा २१ दिवसांचा कोर्स करणं निव्वळ अशक्य गोष्ट वाटायला लागली. म्हणून आता ह्या कोर्सचा अवधी कमी करून त्यात सीडीज, डिव्हीडी, पुस्तकं यांची भर घालून हा ५ दिवसांचा कोर्स सुरू करण्यात आला आहे. मात्र हा विषय अथांग आहे. त्यामुळे आपण जर असा विचार केला की, NLP चा प्रशिक्षणक्रम पूर्ण केला की कोणतीही अतिरिक्त मेहनत न घेता माझं आयुष्य लगेच बदलेल, तर तसं होत नाही. आपल्यालाही तेवढीच मेहनत घ्यावी लागते. कारण आपली आत्मशक्ती आपल्यालाच जोपासायची आहे. लोकांना वाटतं की, एक प्रोग्राम अटेंड केला की लगेच आपण त्याच्यात मास्टरी मिळवितो आणि लगेच आपल्या आयुष्यात १०० टक्के बदल होतील. पण हे अशक्य आहे. NLP शिकण्याच्या वेगवेगळया पायर्‍या आहेत. पहिली पायरी म्हणजे Practitioner of NLP, जी कोणत्याही सर्वसामान्य व्यक्तीसाठी - गृहिणीपासून ते एखाद्या कंपनीच्या सीईओपर्यंत कोणालाही उपयुक्त ठरणारी आहे. हा पाच दिवसांचा ट्रेनिंग प्रोग्रॅम असतो. त्यानंतरची लेव्हल म्हणजे Master Practitioner of NLP, हा १४ दिवसांचा प्रोग्रॅम आहे. ज्यांना NLP मध्ये मास्टरी मिळवायची आहे त्यांच्यासाठी हा कोर्स उपयुक्त आहे. पण जर तुम्हाला इतरांना NLP चं सर्टिफिकेशन द्यायचं असेल तर पुढची पायरी म्हणजे पुन्हा १४ दिवसांचा Trainer of NLP कोर्स. जर इतरांना ट्रेनर बनवायचं असेल तर त्यासाठी आपल्याला मास्टर ट्रेनर असणं गरजेचं असतं. पण त्यासाठी कोणताही ट्रेनिंग कोर्स नसतो. त्यासाठी ट्रेनर झाल्यानंतर ३ वर्षं NLP क्षेत्रात आपल्याला कार्यरत राहून NLP चे विविध कार्यक्रम करत राहणे गरजेचे असते. जे स्वत: NLP India चे मास्टर ट्रेनर आहेत ते या वेळी आपण कार्यक्रम कसे करतो, तसंच आपण आपल्या आयुष्यात NLP चा वापर कसा करतो त्यावर लक्ष ठेवून असतात. हे सर्व जर त्यांच्या पसंतीस उतरलं तरच ३ वर्षांनी ही व्यक्ती मास्टर ट्रेनर बनू शकते. सर्वसामान्यपणे १६ वर्षांवरील मुलांपासून ते ज्यांना अद्याप आपण काय करतोय, बोलतोय याची जाणीव / भान आहे ते कोणीही ह्या कोर्ससाठी पात्र ठरू शकतं. आपल्या प्रत्येकाचं एक स्वतंत्र विश्व असतं ज्यात प्रत्येकजण रमलेला असतो. तरीही या समाजाच्या रचनेमुळे आपण प्रत्येक गोष्ट करताना स्वत:च्या मनाचं न ऐकता लोकांना काय वाटेल, लोक काय म्हणतील याच विचारात अडकून पडतो. तसंच समोरच्या व्यक्तीने कसं वागाव याबद्दलचे निर्णय कळत-नकळतपणे आपणच घेत असतो आणि मग ती व्यक्ती तशी वागली नाही (आपल्याला वागायला हवी तशी) की आपल्याला वाईट वाटतं, राग येतो. पण आपल्या मनात काय सुरू आहे याचा अंदाज कित्येकदा आपल्यालाच नसतो तर इतरांना कसा असेल? मग आता यातून मार्ग कसा काढायचा? आपल्या मनावर आपण नियंत्रण ठेवायचं. ते कसं बरं? खूप जड आणि समजायला / पचनी पडायला कठीण आहे ना? पण या सगळया प्रश्नांसाठी उत्तर एकच ते म्हणजे 'आपण जे काही करतो, आपल्याबरोबर जे काही घडतं त्या सगळयाला कारणीभूत अथवा जबाबदार आपणच असतो.' यातून आपल्याला बाहेर पडायचंय का? की तसंच घुसमटत राहायचंय हे आपलं आपणच ठरवावं लागतं. या गुंत्यातून बाहेर पडण्यासाठी NLP नक्कीच फायदेशीर ठरेल यात शंकाच नाही.

NLP चा वापर केल्याने आपल्याला मिळेल:

* स्वत:वर आणि नशिबावर नियंत्रण
* भेदक आणि प्रभावशाली कम्युनिकेशन
* वैयिक्तक आणि व्यावसायिक आयुष्यात जास्त प्रभावीपणा
* समोरची व्यक्ती कसा विचार करते आहे हे समजायला.
* माणसा-माणसांमधील परस्पर संबंध बळकट आणि अजून फायदेशीर करायला.
* इंटरव्ह्यू किंवा महत्त्वाच्या मीटिंगला जाताना इन्स्टंट कॉन्फिडन्स आणायला.
* राग कमी करून डोकं शांत ठेवायला.
* स्वत:बद्दलचे निकामी विश्वास आणि नको असलेल्या वागणुकी घालवायला.
* साध्य करता येतील अशी स्पष्ट आणि सुनिश्चित लक्ष्यं समोर ठेवून साकार करायला.
* पटकन आणि सोप्या तर्‍हेने स्वयंप्रेरित व्हायला.
* स्वत: आणि इतरांमधील भीती आणि फोबिया घालवायला.
* इतरांना प्रेरणा देण्याचं आणि मार्गदर्शन करण्याचं कौशल्य वाढवायला.
* ज्या गोष्टी आपल्याला आवडतात पण आपल्यासाठी वाईट आहेत, त्या गोष्टींपासून मुक्त व्हायला.
* ते गुण आणि कौशल्य जे आपल्याला इतरांमध्ये आवडतात ते स्वत: मध्ये बाणवायला.

NLP ची तुम्हाला मदत होईल:

* समोरची व्यक्ती कसा विचार करते आहे हे समजायला.
* माणसा-माणसांमधील परस्पर संबंध बळकट आणि अजून फायदेशीर करायला.
* इंटरव्ह्यू किंवा महत्त्वाच्या मीटिंगला जाताना इन्स्टंट कॉन्फिडन्स आणायला.
* राग कमी करून डोकं शांत ठेवायला.
* स्वत:बद्दलचे निकामी विश्वास आणि नको असलेल्या वागणुकी घालवायला.
* साध्य करता येतील अशी स्पष्ट आणि सुनिश्चित लक्ष्यं समोर ठेवून साकार करायला.
* पटकन आणि सोप्या तर्‍हेने स्वयंप्रेरित व्हायला.
* स्वत: आणि इतरांमधील भीती आणि फोबिया घालवायला.
* इतरांना प्रेरणा देण्याचं आणि मार्गदर्शन करण्याचं कौशल्य वाढवायला.
* ज्या गोष्टी आपल्याला आवडतात पण आपल्यासाठी वाईट आहेत, त्या गोष्टींपासून मुक्त व्हायला.
* ते गुण आणि कौशल्य जे आपल्याला इतरांमध्ये आवडतात ते स्वत: मध्ये बाणवायला.

श्री. उमेश सोमण सरांविषयी थोडसं:
* श्री. उमेश सोमण यांनी जवळ जवळ २०,००० पेक्षा जास्त लोकांच्या आयुष्यात विविध पातळीवर अर्थपूर्ण बदल घडवले आहेत. सरांनी ८०० पेक्षा जास्त यशस्वी कार्यशाळा राबविल्या आहेत.
* ते आंतरराष्ट्रीय पातळीचे Certified Professional Behavioural Analyst, Certified Professional Values Analyst, Trimetrix Index Certified आणि या सर्व सर्टिफीकेशन्सचे Master Trainer आहेत.
* ते NLP चे आंतरराष्ट्रीय पातळीचे certified Practitioner, Master Practitioner Trainer आणि and Master Trainer आहेत. Hypnotherapy आणि and Time Based Techniques मध्ये IFCNLP (UK) चे प्रमाणित कोच आहेत. NLP Psychotherapy मध्ये त्यांनी Diploma घेतलेला अहे.
* श्री. उमेश सोमण हे जगातील एकमेव असे प्रशिक्षक आहेत जे NLP ची शिकवण भारतीय भाषेत देतात.
* ANLP (India) चे ते पहिले आणि एकमेव भारतीय NLP Master Trainer आहेत.

कार्यशाळेची माहिती

दिनांकः २६, २७, २८ सप्टेंबर व ४, ५ ऑक्टोबर २०१४

वेळः सकाळी ९ ते ५:३०

स्थळः बॉर्न टू विन ट्रेनिंग सेंटर, ४२-४३, काकड उद्योग भवन, एस. किर मार्ग, माटुंगा रोड (प.)

अधिक माहितीसाठी संपर्कः ०२२-२२९३९३७५/६/७/८, ७६६६४२६६५४