10 February 2016

दि सिक्रेट्स ऑफ व्हिजनरी बिझनेस

बॉर्न टू विन व लघुउद्योग भारती आयोजित सेमिनारला मुंबई व ठाणे येथिल उद्योजकांचा उदंड प्रतिसाद.
दिनांक १६ जानेवारी २०१६ रोजी ठाणे येथिल हॉटेल मौर्य येथे 'दि सिक्रेट्स ऑफ व्हिजनरी बिझनेस' हा कार्यक्रम बॉर्न टू विन व लघुउद्योग भारती तर्फे आयोजित करण्यात आला होता. 'बॉर्न टू विन' ही वैयक्तिक व व्यवसायिक विकास प्रशिक्षण क्षेत्रातील मुंबई येथिल अग्रगण्य संस्था आहे. लघु उद्योग भारती व बॉर्न टू विन यांच्या संयुक्त विद्यमाने त्या कार्यक्रमाचे प्रमुख वक्ते होते बॉर्न टू विनचे संचालक व विख्यात बिझनेस कोच अतुल राजोळी. संध्याकाळी ५ ते ९.३० वाजेपर्यंत असलेल्या कार्यक्रमामध्ये उपस्थित उद्योजकांना जबरदस्त मार्गदर्शन लाभले.
निरनिराळ्या क्षेत्रातील लघुउद्योग वेगात सुरु होतात प्रारंभिक यश मिळवल्या नंतर मात्र व्यवसाय एकाच कक्षेत राहतो. व्यवसायाची उत्तुंग प्रगती मात्र होत नाही. या मागच्या प्रमुख कारणांबाबत अतुल राजोळी यांनी आपल्या विशेष शैलीमध्ये व्याख्यान दिले. 'व्हिजनरी' व्यवसायांबाबत दाखला देत, लघुउद्योजक कसे आपल्या व्यवसायांअंतर्गत अयोग्य निर्णय घेतात व व्यवसायाच्या अधोगतीसाठी कारणीभुत ठरतात याबद्दल उद्योजकांचे डोळे उघडणारे सत्य अतुल राजोळी यांनी कार्यक्रमात मांडले. प्रारंभिक यशानंतर उद्योजकाच्या वागणुकीमध्ये त्याच्या नकळत पाच स्वभाव दोषांमुळे उद्योजक आपल्याच व्यवसायाच्या प्रगतीमधला अडथळा बनतो व याची त्याला जाणिवच होत नाही. वेळेतच उद्योजकांनी जर आपल्यातील स्वभाव दोषांवर मात केली तर व्यावसायिक प्रगती होण्यासाठी उद्योगाला योग्य दिशा लाभते.
कार्यक्रमाच्या पुढील भागात अतुल यांनी व्यावसायिक विकासाच्या पाच टप्प्यांबाबत माहिती दिली. प्रारंभिक टप्पा ते परिपक्व टप्पा पर्यंतच्या प्रवासादरम्यान प्रत्येक उद्योगाच्या एका टप्प्यातुन दुसर्‍या टप्प्यात स्थलांतर करताना उद्योजकाला अत्यंत महत्त्वाचे निर्णय घ्यावे लागतात. याबद्दल अतुल राजोळी यांनी अत्यंत सोप्या आणि विचार परिवर्तित करणार्‍या पध्दतीने सांगितले.
मध्यांतरानंतर कार्यक्रम आणखी रंगात आला. व्यवसायाच्या प्रगतीसाठी उद्योजकाला स्वतःमध्ये व्यावसायिक नेतृत्व गुण विकसित करावे लागतात. व्यावसायिक नेतृत्त्वाचे पाच स्तर कोणते व त्या स्तरांवरील उद्योजकांचे गुणधर्म कोणते हे अतुल राजोळी यांनी प्रभावीपणे मांडले. त्याच बरोबर जगातील प्रतिष्ठीत व अग्रगण्य 'व्हिजनरी' व्यवसायांची उदाहरणे देत, 'व्हिजनरी' व्यवसायांबाबतची सात रहस्ये अतुल राजोळी यांनी मांडली. विचार परिवर्तित करणारी ही रहस्ये भारावून  टाकणारी होती. लघुउद्योजकांनी आपल्या उद्योगाचे रुपांतरण करण्यासाठी व्यवसाय परिवर्तन प्रक्रीयेचा वापर केला पाहिजे व आपल्या व्यवसायाला पुढच्या ट्प्प्यात नेलं पाहीजे. असे प्रतिपादन कार्यक्रमात करण्यात आले. व्यवसाय परिवर्तन प्रक्रियेव्दारे आपल्या व्यवसायाचे रुपांतरण करणार्‍या काही यशस्वी उद्योजकांनी आपले मनोगतसुध्दा कार्यक्रमात मांडले. बॉर्न टू विनचे चीफ मेंटॉर व अनुभवी व्यवसाय मार्गदर्शक श्री. अतुल गोरे यांनी सुध्दा आपले विचार थोडक्यात मांडले व उद्योजकांना व्यवसाय विकासा संदर्भात अभ्यास करण्याचा सल्ला दिला.
लघुउद्योग भारतीचे ठाणे विभागाचे सचिव श्री. माधव पुजारीकोकण विभागाचे सचिव श्री. राजेंद्र पाटील हे सुध्दा कार्यक्रमात उपस्थित होते. लघुउद्योग भारतीव्दारे भविष्यात सुध्दा उद्योजकांसाठी असे कार्यक्रम करण्याबाबत त्यांचा मानस आहे.

लघुउद्योजकांच्या व्यवसायाचे प्रशिक्षण करण्यासाठी बॉर्न टू विनच्या कंसल्टंटस् बरोबर वैयक्तिक भेट घेण्यासाठी आपण ९६६४२२६२६० या नंबर वर संपर्क करु शकता.



08 January 2016

The Secrets of VISIONARY BUSINESS

A Paradigm Shifting Entrepreneurial Transformation Seminar

कोणताही उद्योजक व्यवसाय का सुरु करतो? उद्योजक हा प्रचंड ध्यास असलेला व्यक्ती असतो.  स्वतंत्र, स्वाभिमानी आणि स्वावलंबी! त्याची काही स्वप्नं असतात. जगात परिवर्तन घडवून आणण्याची त्याची महत्त्वाकांक्षा असते. आपले जीवन आपल्या शर्थीवर जगण्याची त्याची जिद्द असते. खर्‍या अर्थाने त्याला अर्थपूर्ण आणि समृध्द जीवन जगण्याचे स्वातंत्र्य हवे असते. स्वातंत्र्यप्रिय उद्योजकाला हे ठाऊक असते की, त्याचे व्हिजन वास्तवात साकार करण्यासाठी 'व्यवसाय'  हेच एकमेव माध्यम आहे. म्हणुनच उद्योजक मोठ्या हिम्मतीने, जोखिम घेऊन आपला व्यवसाय सुरु करतो.

रिसर्च असे सांगतो की, बहुतांश व्यवसाय आपले दुरगामी स्वप्नं साकार करण्यात अपयशी ठरतात. बर्‍याच व्यवसायांना प्राथमिक यश मिळते परंतू त्याच कक्षेत व्यवसाय अडकून राहतात.  दुरगामी प्रगती होत नाही. काहीतरी भव्यदिव्य साकार करण्याची मनातली इच्छा मनातच विझून जाते.  क्षमता असुन सुध्दा उद्योजक आपलं व्हिजन साध्य करण्यात अपयशी ठरतात, व बहूसंख्य उद्योजक असमाधानी जीवन जगतात. फारच कमी व्यवसाय जगात आपले वर्चस्व गाजवतात. आपलं 'व्हिजन' खर्‍या अर्थाने साकार करतात. जगात परिवर्तनाची लाट निर्माण करतात. व्यवसाय सुरु होण्यामागील उद्देश तसाच धगधगत ठेवतात. त्या व्यवसायाचा उद्योजकीय जनक अर्थपुर्ण आणि समृध्द जीवन तर जगतोच परंतु त्याच्या पश्चात देखिल व्यवसायाचा अमुल्य वारसा कायम राहतो. हे व्यवसाय फक्त यशस्वी नसतात, तर हे व्यवसाय 'व्हिजनरी व्यवसाय' असतात.


बॉन टु विन 'लक्ष्यवेध' सादर करत आहे... जगातील 'व्हिजनरी' व्यवसायांच्या अभ्यासावर आधारीत व प्रभावी उद्योजकीय नेतृत्त्व गुणांच्या संशोधनावर आधारीत अतुल राजोळी यांचा एक विचार परिवर्तित करणारा कार्यक्रम The Secrets of VISIONARY BUSINESS. भव्यदिव्य व्यावसायिक स्वप्नं आपल्या उराशी बाळगणार्‍या प्रत्येक उद्योजकाने या कार्यक्रमाला उपस्थित असणे अत्यावश्यक आहे.

ह्या कार्यक्रमात खालिल गोष्टींचा उलघडा होईल :-
१) व्हिजनरी व्यवसाय विचारसरणी.
२) व्यवसाय विकासाचे ५ टप्पे.
३) व्यवसायिक प्रगती न होण्यास कारणीभूत उद्योजकामधील उणीवा.
४) व्हिजनरी व्यवसायाबद्दलचे आपल्याला माहित नसलेले रहस्य.
५) व्यावसयिक नेतृत्त्वाचे ५ स्तर. 
६) व्यवसायाची संघटनात्मक बांधणी.
७) व्यवसाय परिवर्तन प्रक्रीया. 


हा कार्यक्रम कोणासाठी? 
१) वार्षिक आर्थिक उलाढाल रु. १ करोड किंवा जास्त असणार्‍या व्यवसायातील संचालकांसाठी.
२) कमीतकमी १०० वर्षे आपला व्यवसाय अस्तित्त्वात असावा अशी इच्छा असणार्‍या उद्योजकांसाठी.
३) आपल्या व्यवसायांमार्फत जगात लक्षणीय योगदान करण्याची जिद्द असणार्‍या उद्योजकांसाठी.
४) भविष्यात कमीतकमी रु. १०० करोड इतकी आर्थिक उलाढाल करण्याचे ध्येय असलेल्या उद्योजकांसाठी. 

प्रशिक्षक: अतुल राजोळी 
दिनांक: १६ जानेवारी २०१६
वेळ: ४ वाजता
Call or Whatsapp: 7666426654
Website: www.born2win.in
Facebook: www.facebook.com/atulrajoliborn2win

आयोजक: बॉर्न टु विन













सह आयोजक: लघु उद्योग भारती

 नेटवर्किंग पार्टनर: मी उद्योजक













प्रायोजक: ग्रेटर बँक 






ऑनलाईन मीडिया पार्टनर: मराठी इंफोलाईन








05 January 2016

संधी ओळखणाराच खरा उद्यमी - नीरज गुप्ता

उद्योग कुठलाही असो, तो करताना मी कमीपणा मानला नाही. मी डोअर टू डोअर कपड्यांचे मार्केंटींग केले. प्रसंगी माझ्याच कंपंनीत ड्रायव्हर बनून कारही चालवली. पण ग्राहकाला पूर्ण समाधान दिले. माझ्या सहकार्‍यांना नेहमीच कुटुंबातील सदस्याप्रमाणे वागवले. उद्योग ५० कोटींहून ५०० कोटींवर नेताना प्रोफेशनल अॅप्रोच अंगी बाळगला, असे सांगत गुप्ता यांनी नव उद्योजकांना यशाची सूत्रे समजावली.

आपल्या अवतीभोवती असंख्य घडामोडी घडत असतात, कळत नकळत बर्‍याच संधी आपल्यासमोर चालून येतात, परंतु त्या ओळखता न आल्यास वेळ आणि श्रम दोन्ही वाया जातात. खरा उद्योजक तोच, जो या संधी अचूक ओळखतो आणि त्याव्दारे आपल्या यशस्वी उद्योगाची मुहूर्तमेढ रोवतो, असे सांगत प्रसिध्द उद्योजक मेरु कॅबचे संस्थापक नीरज गुप्ता यांनी नव उद्योजकांना मोलाचा सल्ला दिला.     

शनिवारी प्रभादेवी येथील वस्त्र समितीच्या सभागृहात पार पडलेल्या 'मी उद्योजक' या बिझनेस नेटवर्किंग फोरमच्या 'डेट विथ ग्रेट' कार्यक्रमाला 'एसएमई' क्षेत्रातील उद्योजकांनी उत्स्फूर्त प्रतिसाद दिला. 'मी मराठी LIVE' या कार्यक्रमाचे माध्यम प्रायोजक होते.



गुप्ता यांनी उपस्थित उद्योजकांना प्रेरणा देण्यासाठी स्वतःच्या खडतर वाटचालीचा पटच सर्वांसमोर सादर केला. यामुळे  आपापल्या क्षेत्रात भरारी घेण्यासाठी धडपडणार्‍या नव उद्योजकांना काही वेळ जणू स्वतःचेच प्रतिबिंब पाहत असल्याचा भास झाला.

गुप्ता म्हणाले, शाळा-कॉलेजच्या वयात सांस्कृतिक कार्यक्रम, स्नेहसंमेलने, सहल आयोजनात नेहमीच पुढाकार घेत असल्याने माझे नेतृत्त्वगुण अवघ्या विशीतच तळपू लागले होते. कॉलेजच्या वयात इतर तरुणांप्रमाणेच अभ्यास कमी आणि इतर गोष्टींकडे माझे लक्ष असायचे. पण कॉलेजनंतर पुढे काय? या प्रश्नाने मलाही बेचेन करायला सुरुवात केली.  

सुरुवातीला नोकरीचा काटेरी अनुभव घेतला पण त्यापुढे करेन तर एखादा उद्योगच करेन, नोकरी करणार नाही, या निर्णयावर ठाम राहून नवनव्या उद्योगांत हात आजमावायला सुरुवात केली. इम्पोर्ट-एक्पोर्ट, गिफ्ट आर्टिकल सप्लायर, प्रिंटींग प्रेस, गारमेंट, गॅरेज, फर्निचर मेकिंग, फिल्म प्रोडक्शन, व्हेईकल सप्लायर इ. डझनभर उद्योग केले. या प्रत्येक उद्योगात मी यश, अपयशाची गोडी चाखली, पण गुंतवलेला पैसा कधीही गमावला नाही. शिवाय प्रत्येक उद्योगात कल्पकतेचाही पुरेपूर वापर केला. उदा. तोंडचलाखीने मला 'एचयूल' कंपनीला गिफ्ट आर्टिकल पुरवण्याचे कंत्राट मिळाल्यावर वाजवी दरासोबतच मी कंपनीचा 'लोगो' टाकून गिफ्ट आर्टिकल दिले. १९९९ मध्ये सामान्य गॅरेजपेक्षा दर्जेदार आणि कार कंपनीच्या सर्व्हिस सेंटरपेक्षा वाजवी अशी प्रीमियम सेगमेंटमधील गॅप भरुन काढणारे गॅरेज सुरु केले. यातूनच पुढे 'टीसीएस' ला वरिष्ठ अधिकारी, पाहुण्यांसाठी बस पुरवण्याचे कंत्राट मिळाले. या बसमध्येही मी व्हिडीओ कॉन्फरन्सिंग, टीव्ही, नोटपॅड, एसी, फ्रीज इ. सुविधा दिल्या होत्या. ज्याचा विचार इतरांनी केला नव्हता.



एक-एक बस, कार जोडत २००१ मध्ये सुरु केलेल्या व्ही-लिंक नावाच्या कंपनीव्दारे मी पुढे नव्याने उदया आलेल्या 'बीपीओ' सेंटरला कार पुरवणारा सर्वात मोठा कंत्राटदार बनलो होतो. २००१ ते २००३ पर्यंत वर्षाला ३०० कार्स आणि १२ लाखांची उलाढाल असणारा माझा व्यवसाय केवळ सहा वर्षांमध्ये ५० कोटींपर्यंत गेला. तिथूनच पुढे २००७ मध्ये जीपीएस तंत्रज्ञानावरील 'रेडिओ कॅब' सुरु करण्याची संधी मी हुडकून काढली आणि त्यातही यशस्वी झालो. तब्बल ६५० कोटींहून जास्त उलाढाल असलेला मेरु 'रेडिओ कॅब' क्षेत्रातील नामांकित ब्रँड बनला आहे.

मी उद्योगात शिरलो तेव्हा मला कुणाचेही मार्गदर्शन नव्हते. मात्र 'मी उद्योजक' सारखी संस्था नव उद्योजकांना मार्गदर्शनासोबतच उद्योगवाढीसाठी व्यासपीठही देत आहे. हा अतिशय कौतुकास्पद उपक्रम असुन मला देखील संस्थेचा सदस्य व्हायला आवडेल, असे गुप्ता म्हणाले.

कार्यक्रमात 'मी उद्योजक' संस्थापक स्वप्नील दलाल यांनी नेटवर्किंग फोरमची संकल्पना, पुढील योजनेची माहिती दिली. तर 'बॉर्न टु विन' ट्रेनिंग सेंटरचे अतुल राजोळी यांनी 'हेल्प इच अदर, ग्रो टूगेदर' संकल्पनेमागचा गाभा समजावत सांगितला.


31 December 2015

२०१५ चे खुप धन्यवाद आणि सुस्वागतम २०१६!

नमस्कार मित्रांनो!
काही तासात आपण २०१६ मध्ये पदार्पण करत आहोत. आज मागे वळून पाहता २०१५ हे वर्ष संपुर्ण बॉर्न टू विन परिवारासाठी अत्यंत महत्त्वाचे व यशस्वी ठरले. आपल्या सर्वांच सहकार्य व सदिच्छेमुळेच आमच्यासाठी हे वर्ष अविस्मरणीय होतं. या वर्षभरात बॉर्न टू विनचे मिशन, "लोकांना अर्थपूर्ण आणि समृध्द जीवन जगण्यास मदत करणे." हे जगण्यासाठी बॉर्न टू विनने नवनविन कार्यशाळा व प्रशिक्षणक्रम आयोजित केले.
२०१५ मध्ये बॉर्न टू विनने आपल्या अस्तित्वाची यशस्वी ७ वर्षे पूर्ण केली व आता ८वे वर्ष २०१६ जानेवारी मध्ये पूर्ण करणार.

या वर्षाची सुरुवात देखील धमाकेदार पद्धतीने झाली. दिनांक १० जानेवारी २०१५ रोजी कराड येथे शिवम प्रतिष्ठान आयोजित कार्यक्रम ५,००० लोकांच्या उपस्थितीत प्रचंड प्रतिसादात पार पडला..!
शिवम प्रतिष्ठान आयोजित कार्यक्रम

२० मे २०१५ सॅटर्डे क्लब डोंबिवली येथे अतुल राजोळी यांचे 'एकविसाव्या शतकातील उद्योजकीय मानसिकता' या विषयावर व्याख्यान झाले. उपस्थित उद्योजकांनी उत्स्फूर्त प्रतिसाद दिला होता.
एकविसाव्या शतकातील उद्योजकीय मानसिकता

३० मे २०१५ विद्यार्थी उत्कर्ष मडंळ तर्फे आयोजित करण्यात आलेल्या CAREER FAIR 2015 मध्ये 'करियर निवडताना' या विषयावर विद्यार्थी व पालकांना मार्गदर्शन करण्यात आले.
करियर निवडताना

बॉर्न टू विनने खास उद्योजकांसाठी २१st Century Intelligent Entrepreneur आणि Professional Selling Skills या एकदिवसीय कार्यशाळा अंधेरी येथे चाणक्य Institute मध्ये आयोजित केल्या. २३ जुन रोजी २१st Century Intelligent Entrepreneur या कार्यशाळेमध्ये उद्योजकांना कमीत कमी परिश्रमात जास्तीत जास्त यश कसे मिळवता येईल या बद्दल मार्गदर्शन मिळाले. 

२१st Century Intelligent Entrepreneur

८ क्टोबर रोजी Professional Selling Skills हि उद्योजकांना जबरदस्त प्रभावशाली विक्री कौशल्य व कृती योजनांवर आधारीत कार्यशाळा होती.
Professional Selling Skills

४ ऑगस्ट २०१५ चा The Success Blueprint कार्यक्रम एकदम दणदणीतरीत्या पार पडला...
The Success Blueprint

१५ ऑगस्ट स्वातंत्र दिवसाच्या निमित्ताने संगमनेर येथे एक दिवसीय कार्यशाळा घेण्यात आली. १०००+ विद्यार्थ्यांनी कार्यक्रमात सहभाग घेतला होता, अतिशय उत्साही आणि जबरदस्त असा हा स्वातंत्र्यदिन खर्‍या अर्थाने साजरा झाला.
संगमनेर येथी एक दिवसीय कार्यशाळा

१८ ऑगस्ट रोजी 'झेप २०२०' भाजपा उद्योग आघाडी, नाशिक येथे आयोजित करण्यात आलेला ख़ास कार्यक्रमात अतुल राजोळी प्रमुख वक्ते होते. कार्यक्रमात महाविद्यालयीन विद्यार्थ्याचा जबरदस्त प्रतिसाद मिळाला.

झेप २०२०, नाशिक

१३ सप्टेंबर रोजी विद्यार्थी व पालकांसाठी DESIGN YOUR DESTINY हा अतिशय नाजुक आणि महत्त्वाच्या विषयावर सेमिनार झाला. 
 DESIGN YOUR DESTINY

SPIN SELLING PLUS ही SELLING Skills वर आधारीत एक दिवसीय practical कार्यशाळा २९ ऑक्टोबर रोजी दणदणीतरीत्या पुर्ण झाली.
SPIN SELLING PLUS

२१ नोव्हेंबरला MAKE IN INDIA Conference मध्ये अतुल राजोळी यांनी उद्योजकांना BE FUTURE READY! या विषयावर मार्गदर्शन केले.
MAKE IN INDIA Conference

प्रथमच अतुल राजोळी यांची संगमेश्वर (रत्नागिरी) येथे २७ नोव्हेंबर रोजी एक दिवसीय कार्यशाळा झाली.
संगमेश्वर (रत्नागिरी) येथी एक दिवसीय कार्यशाळा

२९ नोव्हेंबरला Vibrant Wani 2015 मध्ये १००० पेक्षा अधिक महाराष्ट्रातील विविध जिल्ह्यातून आलेल्या उद्योजकांना अतुल राजोळी उद्योजकीय मानसिकता जागृत करण्यासाठी यांनी मार्गदर्शन केले.
Vibrant Wani 2015

१९ डिसेंबर ला नाशिक येथे पुन्हा एकदा १००० पेक्षा जास्त विद्यार्थ्यांना मार्गदर्शन करण्याची संधी मिळाली हा अतिशय जबरदस्त अनुभव होता.
नाशिक येथी कार्यशाळा

या वर्षी लक्ष्यवेध प्रशिक्षणक्रमाच्या २२वी, २३वी, २४वी व २५वी बॅच यशस्वीरित्या पूर्ण झाल्या व आता २६वी बॅच ठाणे येथे उत्साहात सुरु आहे. प्रशिक्षणार्थींचा गुणगौरव सोहळा... सर्व प्रशिक्षणार्थींचे धमाकेदार परफॉर्मन्स्
२२ वा लक्ष्यसिद्धी सोहळा

२३ वा लक्ष्यसिद्धी सोहळा

२४वा लक्ष्यसिद्धी सोहळा

 २५वा लक्ष्यसिद्धी सोहळा

लक्ष्यवेध ADVANCE या उद्योजकीय विकास १ वर्षीय प्रशिक्षणक्रमाच्या या वर्षी ७ वी व ८ वी बॅच यशस्वीरित्या पूर्ण झाल्या. याच वर्षी लक्ष्यवेध ADVANCE च्या जुनमध्ये ९ व्या बॅचची सुरुवात उत्साहात सुरु झाली. 
सातवा  उद्योगस्फुर्ती सोहळा अगदी दणदणीतरित्या पार पडला. अ‍ॅग्नेलोराजेश अथायडे सरांचे जबरदस्त मार्गदर्शन! लक्ष्यवेध INTERMEDIATE व लक्ष्यवेध ADVANCE प्रशि़क्षणार्थींचे भन्नाट अनुभव व्यक्त केले.
 वा उद्योगस्फुर्ती सोहळा

लक्ष्यवेध ADVANCE चा आठवा उद्योगस्फुर्ती सोहळा धमाकेदार पध्दतीने साजरा झाला.
 वा उद्योगस्फुर्ती सोहळा

फ्यूचर पाठशाला जोश २०१५ 
जबरदस्त उत्साहवर्धक अनुभव..!!

एकूणच २०१५ वर्ष बॉर्न टू विन साठी अतिशय अभिमानाचे, अविस्मरणीय व आनंद देणारे ठरले. पूर्वीपेक्षा या वर्षी जबाबदाऱ्या ह्या अजून वाढल्या आहेत. प्रशिक्षणार्थ्यांच्या अपेक्षादेखील वाढल्या आहेत. त्यांच प्रेम व पाठींबा हा आमच्यासोबत नेहमीच असतो आणि हेच आमचं मनोधैर्य नेहमीच वाढवत असते.
२०१५ या वर्षाने खूप काही दिले नव्या चांगल्या समजुती, नवी आशा, नवे बळ, नवीन स्वप्न व नवीन संधी. आता नवीन महत्वाकांक्षा घेऊन बॉर्न टू विन २०१६ चे स्वागत करत आहे.

२०१५ चे खूप धन्यवाद आणि सुस्वागतम २०१६!

16 November 2015

ध्येयपूर्तीचा ध्यास

“लोक सतत माझ्यामागे ऊभे राहिले. भांडवल कमी पडायचे तेव्हा पैसे मिळत गेले, जागेसाठी लोकांनी मदत केली. व्यायामाचा प्रसार हाच माझा ध्यास होता, माझा हेतू चांगला होता, मी स्वत: माझ्या स्पर्धकानांही मदत करतो, त्यातून मला आनंद मिळतो. मला जे मिळत गेले, ते मी इतरांना देतो, ते माझे कर्तव्य समजतो.” हे तळवलकर जिमचे संस्थापक मधुकर तळवलकर सर “बॉर्न टू विन” संस्थेचा लक्ष्यसिध्दी सोहळा साजरा झाला त्याप्रसंगी बोलत होते. २०१० मध्ये तळवलकर जिमने शेअरबाजारात आपले शेअर विकायला काढले, १०० कोटी रुपयांचा हा छोटा आयपीओ. पण भरणा झाला ४,००० कोटी रुपयांचा आणि दक्षिण-उत्तर भारतातूनही लोकांनी त्याला भरभरून प्रतिसाद दिला. लोकांचा हा विश्वास बघून मधुकर सरांचे मन इतके हेलावले, ते भावनाविवश झाले व एका खोलीत जाऊन त्यांनी आनंदाश्रूंना वाट मोकळी करून दिली.


तळवलकर हा असा मोठा ब्रॅन्ड झाला, त्याची सुरवात झाली, १९६२ पासून. हा प्रवास उलगडत गेला बॉर्न टू विनचे संचालक अतुल राजोळी यांनी मधुकर सरांच्या घेतलेल्या मुलाखतीतून. सरांच्या वडिलांच्या व्यायाम शाळा होत्या. सरांनी जिम काढायचे ठरवले तेव्हा तळवलकर जिम या वेगळ्या नावाने त्या सुरू केल्या. त्याकाळीसुध्दा त्यांच्याकडे धर्मेंद्र, माला सिन्हा असे कलाकार सभासद होतेच, पण दारासिंग हे नावाजलेले कुस्तीवीरही त्यांचे सभासद होते. एक जिम सुरू केल्यावर वडिल सरांना म्हणाले, तुझ्या धाकट्या तीन भावंडांसाठी आणखी जिम सुरू कर. सर स्वत: टेक्सटाईल इंजिनिअर. त्यांनी खटाऊ मिलमध्ये काही काळ नोकरी केली. जिम व्यवसायात त्यांच्या ज्ञानाचा त्यांना लाभ मिळाला. विशेषत: जिमसाठी लागणार्‍या उपकरणांची निर्मीती करताना तर ते ज्ञान फारच कामात आले. आज तळवलकरांची अंगदला उपकरण निर्मीतीची ६००० फुटांची फॅक्टरी आहे.

काही वर्षांपूर्वी ते जिमसाठी कर्ज मागायला बॅंकेत गेले तेव्हा मॅनेजर म्हणाले, जिम ही इंडस्ट्री नाही किंवा तुम्ही शेतकरीही नाही आहात. तुम्हाला कर्ज मिळणार नाही. आज मात्र यालाच “फिटनेस इंडस्ट्री” म्हणतात व या उद्योगाचे तळवलकर हे प्रणेते- पायोनिअर. देशात अनेक ठिकाणी त्यांच्या जिम आहेत. त्यात अमृतसर इथे त्यांची जिम ही विशेष बाब वाटते. पंजाबी हे लोक धट्टेकट्टे- सुदृढ, तर त्यांच्यासमोर मराठी माणूस दुबळा असा समज गैर आहे, हे दाखवणारी ही बाब. एक मराठी माणूस पंजाबी लोकांना व्यायामचे धडे देतो ही कल्पनाच विशेष वाटते!


शेवटी सरांनी सुत्र सांगितले, कुटुंबावर प्रेम करा, व्यायाम करा व सतत देत राहा, बी अ गिव्हर. चांगुलपणा करा, तुम्हाला त्याचा लाभ मिळेल, असे चांगुलपणावरचा विश्वास सुदृढ करणारी ही मुलाखत. त्याचप्रमाणे मधुकर तळवलकर यांनी लक्ष्यवेध प्रशिक्षणक्रमाच्या लक्षसिध्दी सोहळ्यामध्ये जबरदस्त प्रेरणादायी मार्गदर्शन केले होते. त्यांच्या त्या मुलाखतीचा व्हिडिओ आपण खाली पाहू शकता.
भाग १


भाग २


भाग 


भाग ४

Related Posts Plugin for WordPress, Blogger...

Share

Twitter Delicious Facebook Digg Stumbleupon Favorites