इच्छाशक्तीच्या जोरावर सकारात्मक विचार ~ LAKSHYAVEDH INSTITUTE OF LEADERSHIP AND EXCELLENCE

11 May 2017

इच्छाशक्तीच्या जोरावर सकारात्मक विचार

अनेक गोष्टी करायच्या असतात. पण होत नाहीत, कंटाळा येतो, राहून जातात. कारण इच्छाशक्ती कमी पडते.
आपली इच्छाशक्ती किती तीव्र आहे; यावर आपण नक्की कुणाच्या ताब्यात आहोत हे अवलंबून असतं. आपलं मन आपल्याला विविध दिशांनी खेचत असतं, त्याचबरोबर अनेकदा मनात नकारात्मक विचारांचं प्राबल्य असतं अशावेळी इच्छाशक्तीच्या जोरावर आपण मनात सकारात्मक विचार रुजवू शकतो. इंग्रजीत एक म्हण आहे 'व्हेन देअर इज अ विल, देअर इज अ वे' इच्छा असेल तिथे मार्ग सापडू शकतो.



इच्छाशक्तीची ताकद वाढवण्यासाठी सगळ्यात पहिल्यांदा आपले ध्येय निश्चित करायला पाहिजे. आपण किती वेळा ठरवतो व्यायाम करु, वजन कमी करु पण ना व्यायाम होतो ना आपलं वजन कमी होतं. कारण काय तर कुठेतरी इच्छाशक्ती कमी पडते. जेव्हा केव्हा तुम्ही ठरवलेले ध्येय सोडून देण्याचा विचार मनात येईल तेव्हा तेव्हा तुमच्या ध्येय पूर्तीबद्दल तुम्ही केलेला विचार आठवा. कधीतरी आपण आपल्या ध्येयापासून भरकटतो किंवा काही काळासाठी निराळ्या पध्द्तीने विचार करुन मग पुन्हा मूळ पदावर परततो.



आपली इच्छाशक्ती आपण शाबूत ठेवायची असते. तिच्या जोरावर आपण जी वाटेल ती गोष्ट साध्य करु शकतो. एखादी गोष्ट मिळणं, पूर्ण करणं अशक्यं वाटत असलं तरीही इच्छाशक्तीच्या बळावर आपण ती गोष्ट सहज साध्य करु शकतो. त्यामुळे व्यक्तिमत्त्वाचा विचार करताना आपली इच्छाशक्ती कशी आहे याचा जरुर विचार करा.



सौजन्य: संध्यानंद

No comments:

Post a Comment

Related Posts Plugin for WordPress, Blogger...

Share

Twitter Delicious Facebook Digg Stumbleupon Favorites